Яруу найраг гэж чухам яг юуг хэлдгийг би сайн мэдэхгүй.
Мэдэхгүй хэрнээ яруу найраг бичихсэн гэж хичээдэг.
Хичээхдээ бичье гэж бичдэггүй, бичихгүй байж чаддаггүй юм аа.
Шүлгийг би хэн нэгэн хүнд, аль нэгэн уул овоо, гол усанд,
ямар нэгэн цаг үе, үйл явдалд, ялангуяа алга ташилтанд зориулж
тэдгээрийн эрхшээл, таашаалд нийцүүлэх гэж бичдэггүй.
Гагцхүү өөртөө л бичдэг. Гэсэн ч хэнд ч, юунд ч эс зориулсан шүлгүүд маань
мөн чанартаа бүхий л орон зай хийгээд цаг хугацаанд зориулагддаг.
Х.Нямхишиг